ຂ່າວເສດຖະກິດ-ສັງຄົມ

 

 

ນັກທຸລະກິດ ​ລາວ-ອົດ​ສະຕຣາລີ ພົບ​ປະ​ສະຫລອງ 60 ປີ

(ຂປລ) ສະຖານທູດ​ອົດ​ສະຕຣາລີ ຮ່ວມ​ກັບ​ສະພາ​ການ​ຄ້າ​ລາວ ຈັດການ​ພົບ​ປະ​ແລກປ່ຽນບົດຮຽນ ລະຫວ່າງ​ນັກທຸລະກິດລາວ ​ແລະ ອົດ​ສະຕຣາລີ ຂຶ້ນທີ່​ໂຮງ​ແຮມ ລາວ​ພລາຊາ ​ນະຄອນຫລວງ​ວຽງຈັນໃນ​ວັນ​ທີ 11 ຕຸລາ 2012 ​ເພື່ອ​ຮ່ວມ​ກັນ​ສະ​ເຫລີ​ມສະຫລອງວັນ​ສ້າງຕັ້ງສາຍ​ພົວພັນ​ການ​ທູດລະຫວ່າງ​ລາວ-ອົດ​ສະຕຣາລີ ຄົບຮອບ 60 ປີ, ​ໂດຍ​ມີ​ ທ່ານ ນາງ​ເຂັມ​ມະນີ ພົນ​ເສນາ ລັດຖະມົນຕີ​ຊ່ວຍ​ວ່າການ​ກະຊວງ​ອຸດສາຫະກຳ​ ​ແລະ ການ​ຄ້າ​ເຂົ້າ​ຮ່ວມ​ນຳ.

ການ​ພົບ​ປະ​ຂອງ​ນັກທຸລະກິດ​ສອງ​ປະ​ເທດ​ຄັ້ງນີ້ ​ໄດ້​ຮັບ​ຟັງ​ການສະ​ເໜີບົດ​ລາຍ​ງານດ້ານ​ການ​ລົງທຶນ​​ໃນ​ຂົງ​ເຂດ ຂອງ​ປະ​ເທດ​ອົດ​ສະຕຣາລີ ຢູ່​ໃນ ​ສປປ ລາວ ​ເປັ​ນຕົ້ນ: ດ້ານ​ບໍ່​ແຮ່, ທີ່​ ປຶກສາ​ດ້ານ​ກົດໝາຍ, ດ້ານ​ທະນາຄານ, ການ​ສຶກສາ, ການ​ຄ້າ ​ແລະ ອື່ນໆ. ​

​ໃນ​ໄລຍະ​ຜ່ານ​ມາ​ ລັດຖະບານ​ລາວ-ອົດ​ສະຕຣາລີ ​ໄດ້​ຮ່ວມ​ກັນ​ພິມ​ປຶ້ມຄູ່​ມື ກ່ຽວກັບ 60 ປີ​ແຫ່ງ​ການ​ຮ່ວມ​ມື ​ລະຫວ່າງ​ສອງ​ປະ​ເທດ, ພ້ອມ​ນີ້ ທ່ານ ດຣ ທອງ​ລຸນ ສີ​ສຸ​ລິດ ຮອງ​ ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ ກໍ​ໄດ້​ດຳ​ເນີນ​ການ​ຢ້ຽມຢາມ​ປະ​ເທດ​ອົດ​ສະຕຣາລີ​ ຢ່າງ​ເປັນ​ທາງ ​ເພື່ອ​ຮັດ​ແໜ້ນການ​ພົວພັນ​ຮ່ວມລະຫວ່າງ ສອງປະເທດໃຫ້ເກີດຜົນດີຍິ່ງໆຂຶ້ນ.

Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s