ສາລະໜ້າຮູ້

ຄວາມງາມຂອງແມ່ຍິງເຮົານັ້ນ ງາມຢູ່ບ່ອນຈັ່ງໃດ ?

ຄວາມງາມ ບາງທີບໍ່ແມ່ນຢູ່ໜ້າຕາ ຫຼື ຮຸ່ນ ຊວງຊົງ ມັນອາດງາມດ້ວຍນ້ຳໃຈ ງາມຍ້ອນມີຄຸນນະທຳ ງາມຢ່າງມີຫົວຄິດປະດິດສ້າງ ງາມດ້ວຍສິລະປະ ໃນການປາກເວົ້າ ສື່ສານ … ນັ້ນລວມເຂົ້າມາເປັນຄວາມງາມໄດ້ໝົດ.
ແຕ່ສິ່ງທີ່ງາມໃຫ້ເຫັນປັບ ງາມປັບນັ້ນ ແມ່ນໃບໜ້າ ຜິວພັນ ເວົ້າລວມແລ້ວແມ່ນ ຮູບນອກຂອງມະນຸດ ວ່າຈັ່ງຊັ້ນສາເນາະ !  ແຕ່ຖ້າຢາກງາມແບບນັ້ນ ນ້ຳເຜິ້ງ ສາມາດຊ່ວຍເອື້ອຍນ້ອງແມ່ຍິງເຮົາ ໄດ້ເປັນຢ່າງດີ ເປັນຫຍັງຄວາມງາມ ຈຶ່ງຄ່ອຍມາກ່ຽວກັບນ້ຳເຜິ້ງ ? ຖ້າຢາກຮູ້ ລອງອ່ານຂັ້ນຕໍ່ໄປນີ້ ເບິ່ງກ່ອນດີບໍ່.
ຍ້ອນວ່າ: ນ້ຳເຜິ້ງ ມີຄຸນປະໂຫຍດມາກມາຍ ໃຫ້ແກ່ຄົນເຮົາ ຊຶ່ງເຮົາສາມາດນຳປຸງແຕ່ງ ເປັນອາຫານ ເປັນຢາຮັກສາສຸຂະພາບ ຕາມແຜນບູຮານ ແລະ ຍັງສາມາດປະກອບເປັນເຄື່ອງສຳອາງ ໂດຍສະເພາະ ແມ່ຍິງເຮົາ ກັບຫ່າງກັນບໍ່ໄດ້ຢູ່ແລ້ວ ຖ້າຫາກເອີ່ຍເຖິງຄວາມງາມແລ້ວ ຕ້ອງຊອກຫາມາຈົນໄດ້ ແລະ ນ້ຳເຜິ້ງ ກໍແມ່ນທາງອອກທີ່ດີອັນໜຶ່ງກັນ ເຊັ່ນ:
1. ນ້ຳເຜິ້ງ ຊ່ວຍເຮັດໃຫ້ຄວາມສົມດູນຂອງຮ່າງກາຍໄດ້ດີ ແລະ ຄວບຄຸມນ້ຳໜັກໄດ້ ໂດຍສະເພາະ ຜູ້ທີ່ມັກເຈັບຂໍ ປວດກະດູກ ນ້ຳໜັກເກີນ ເອົານ້ຳເຜິ້ງສົດ 3 ບ່ວງແກງ ປະສົມກັບນ້ຳໝາກໂປ່ມ (ແອັບເປິ້ນ) 3 ບ່ວງກາເຟ ລົງປະສົມກັບນ້ຳດື່ມບໍລິສຸດ 1 ຈອກ ຄົນໃຫ້ເຂົ້າກັນ ແລ້ວດື່ມ ຫຼັງຈາກທີ່ຕື່ນນອນຕື່ນເຊົ້າ ແລະ ຕອນສວຍອີກ 1 ຈອກ ຈະສາມາດຊ່ວຍບັນເທົາ ອາການເຫຼົ່ານັ້ນໄດ້.
2. ສຳລັບຜູ້ທີ່ມີຜິວແຫ້ງ ໃຫ້ເອົາໄຂ່ໄກ່ (ໄຂ່ແດງ) 1 ໜ່ວຍ ປະສົມກັບນ້ຳເຜິ້ງ 1 ບ່ວງແກງ ຄົນໃຫ້ເຂົ້າກັນ ແລ້ວນຳມາທາໃຫ້ທົ່ວໃບໜ້າ ປະໄວ້ໃຫ້ແຫ້ງ ປະມານ 10 ນາທີ ແລ້ວລ້າງອອກດ້ວຍນ້ຳສະອາດ ເຮັດອາທິດລະຄັ້ງ ກ່ອນນອນຕອນກາງຄືນ ຂໍ້ຄວນລະວັງ ເວລາທານັ້ນ ບໍ່ໃຫ້ຍິ້ມຫົວ ເພາະຈະເຮັດໃຫ້ຜິວໜ້າມີຮອຍໄດ້.
3. ສ່ວນຜູ້ທີ່ເປັນສິວ ໃຫ້ເອົາໝາກກ້ວຍຫອມເຄິ່ງໜ່ວຍ ມາບົດປົນກັບນ້ຳເຜິ້ງ 1 ບ່ວງແກງ ແລ້ວເອົາມາທາໄວ້ ປະມານ 10-15 ນາທີ ແລ້ວລ້າງອອກ ຈະເຮັດໃຫ້ສິວຫຼຸດລົງ ຜິວໜ້າອ່ອນນຽນຂຶ້ນ ເຮັດອາທິດລະຄັ້ງ ກ່ອນນອນຕອນກາງຄືນ ຂໍ້ຄວນລະວັງ ກ່ອນທາ ຕ້ອງລ້າງໜ້າດ້ວຍນ້ຳອຸ່ນ ແລ້ວເຊັດໃຫ້ແຫ້ງພໍໝາດໆ ແລະ ເວລາທານັ້ນ ບໍ່ໃຫ້ຍິ້ມຫົວ ເພາະຈະເຮັດໃຫ້ຜິວໜ້າມີຮອຍໄດ້.

4. ຜູ້ທີ່ມີບັນຫານອນບໍ່ຫຼັບ ກໍງ່າຍໆ ພຽງແຕ່ເອົານ້ຳເຜິ້ງ 1 ບ່ວງກາເຟ ປະສົມກັບນ້ຳອຸ່ນ ຫຼື ນົມອຸ່ນ ຄົນໃຫ້ເຂົ້າກັນ ແລ້ວດື່ມກ່ອນນອນ ຈະເຮັດໃຫ້ນອນຫຼັບສະບາຍ.

5. ຜູ້ທີ່ມີຜິວໜ້າຫຍາບ ໃຫ້ເອົາໝາກແອັບເປິ້ນ 1 ໜ່ວຍ ມາບົດປົນກັບນ້ຳເຜິ້ງ 1 ບ່ວງແກງ ແລ້ວນຳມານວດໃບໜ້າເບົາໆ ປະມານ 10 ນາທີ ແລ້ວລ້າງອອກດ້ວຍນ້ຳສະອາດ ຈະຮູ້ສຶກໄດ້ທັນທີວ່າ ຜິວໜ້ານຽນຂຶ້ນ ເຮັດອາທິດລະຄັ້ງ ກ່ອນນອນຕອນກາງຄືນ.
6. ຜູ້ທີ່ມີບັນຫາກ່ຽວກັບ ແຈສຸດຂອງຫາງຕາທັງສອງຂ້າງ ເມື່ອອາຍຸຫຼາຍ ມັນມັກຮ່ຽວ ຫຼື ເອີ້ນວ່າ: ຕີນກາ ໃຫ້ເອົາຫົວກາລົດ (ແຄຫຼອດ) ຖ້າຫົວໃຫຍ່ ໃຫ້ເອົາເຄິ່ງໜຶ່ງ ຖ້າຫົວນ້ອຍ ກໍໃຊ້ໝົດ ຫຼັງຈາກນັ້ນ ໃຫ້ປອກເປືອກອອກ ແລ້ວນຳມາປັ່ນໃຫ້ລະອຽດ ແລະ ປະສົມນ້ຳເຜິ້ງລົງໄປ 1 ບ່ວງແກງ ແລ້ວເອົາມາທາບໍລິເວນດັ່ງກ່າວ ເຮັດອາທິດລະຄັ້ງ ກ່ອນນອນ ຂໍ້ຄວນລະວັງ ກ່ອນທາ ຕ້ອງລ້າງໜ້າດ້ວຍນ້ຳອຸ່ນ ແລ້ວເຊັດໃຫ້ແຫ້ງພໍໝາດໆ ແລະ ເວລາທານັ້ນ ບໍ່ໃຫ້ຍິ້ມ ຫົວ ເພາະຈະເຮັດໃຫ້ ຜິວໜ້າມີຮອຍໄດ້ ສ່ວນທີ່ຍັງເຫຼືອ ໃຫ້ໃສ່ກັບອັດໃຫ້ແຈບເອົາ ເຂົ້າຕູ້ເຢັນໄວ້ ເພື່ອອາທິດຕໍ່ໄປ.

7. ຜູ້ທີ່ມີອາການເຈັບຄໍ ເນື່ອງຈາກອາການເປັນຫວັດ ຫຼື ຮ້ອງເພງຫຼາຍເກີນໄປນັ້ນ ໃຫ້ເອົານ້ຳເຜິ້ງ 2 ບ່ວງແກງ ປະສົມກັບນ້ຳໝາກນາວ 1 ໜ່ວຍ ແລ້ວຄົນໃສ່ນ້ຳຮ້ອນ 2 ບ່ວງແກງ ຄົນໃຫ້ເຂົ້າກັນ ແລ້ວນຳມາແຈະໆ (ເອົາລິ້ນ) ເລື້ອຍໆ ເທື່ອລະໜ້ອຍ ຈະເຮັດໃຫ້ສຽງ ຄ່ອຍກັບມາສູ່ປົກກະຕິ ແຕ່ຖ້າແຈະບໍ່ໝົດ ໃຫ້ເອົາມາທາໜ້າ (ກ່ອນນອນຕອນກາງຄືນ) ປະໄວ້ປະມານ 5-10 ນາທີ ແລ້ວລ້າງອອກ ຈະເຮັດໃຫ້ຮູ້ສຶກວ່າ: ໜ້າໃສຂຶ້ນມາທັນທີ ຂໍ້ຄວນລະວັງ ກ່ອນທາຕ້ອງລ້າງໜ້າດ້ວຍນ້ຳອຸ່ນ ແລ້ວເຊັດໃຫ້ແຫ້ງພໍໜາດໆ ແລະ ເວລາທານັ້ນ ບໍ່ໃຫ້ຍິ້ມຫົວ ເພາະຈະເຮັດໃຫ້ຜິວໜ້າມີຮອຍໄດ້ ແຕ່ຕ້ອງໃຊ້ນ້ຳເຜິ້ງສົດໆ.

Leave a comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s